خطيبي
ويا ترى إيه حكاية الورقة والمبلغ المكتوب فيها؟ وهل فعلًا أم الخطيب كانت بتختبر أهل البنت… ولا فيه سبب أخطر محدش يعرفه؟ اكتبوا رأيكم قبل الجزء الأخير ❤️ ومتنسوش تصلوا على النبي ﷺ اللهم صل وسلم وبارك على سيدنا محمد وعلى آله وصحبه أجمعين.
#حكاوي_شيمو #الجزء_الثاني #حكايات_واقعية #حكايات_اجتماعية #رأيكم_يهمني وبعدين دخلت لأبويا. لقيته قاعد بيحسب الفلوس اللي معاه. قلت له: — بابا… بص لي. — مالك يا بنتي؟ قلت له وأنا بحاول ماعيطش: — أهل خطيبي عايزين ييجوا بكرة على غدا. ابتسم وقال: — يا أهلا وسهلا.
قلت: — عايزين فتة ولحمة وكبده. الجزء الأخير 👇 بصيت للورقة اللي حطها خال خطيبي قدام أبويا، وقلبي كان بيخبط في صدـ,,ـــري. أبويا مسكها وبص فيها، وبعدها رفع عينه وقال: — هو إيه ده؟ خال خطيبي قال: — دي ورقة أنا لقيتها بالصدفة في شنطة أختي. أم خطيبي قامت بسرعة: — إنت فتشت في حاجتي؟
! قال لها: — لا، الورقة وقعت منك وإنتي نازلة من العربية. خطيبي خطف الورقة من إيد أبويا. قرأها… وفجأة وشه اتغير. قال: — ماما… إيه ده؟ سكتت. قال تاني: — المبلغ ده إيه؟ قالت: — مفيش حاجة. رد: — إزاي مفيش حاجة؟
ده مبلغ كبير! بصيت للورقة. كان مكتوب فيها مبلغ، وتحته كلام عن مصاريف الجواز، وتجهيزات، وحاجات المفروض أبويا يتحملها. أنا حسيت إني مش قادرة أتنفس. قلت: — يعني كل اللي حصل ده كان علشان تشوفوا أبويا هيدفع كام؟ أم خطيبي قالت: — يا بنتي إحنا بنتكلم في جواز ابني!
قلت: — الجواز مش صفقة. قالت: — وإحنا ماقولناش صفقة. رد أبويا بهدوء: — أمال الورقة دي معناها إيه؟ ماعرفتش ترد. خال خطيبي قال: — أنا هقول لكم. وسكت لحظة. — أختي كانت خايفة إن ابنها يتجوز بنت على قد حالها، وكانت عايزة تختبر أهلها من الأول. بصيت لخطيبي. وقلت: — وإنت؟
قال: — أنا مكنتش أعرف. قلت: — بس إنت اللي اتصلت بيا وطلبت مني أعمل فتة ولحمة. سكت. — وإنت اللي قلت لي “أمي زعلانة”. قال: — هي فعلًا كانت زعلانة. قلت: — بس إنت صدقتها. فضل ساكت. كملت: — يعني حتى لما شفت أبويا مكرمكم، وشفت الأكل، وشفت إنه دفع لإخواتك الصغيرين فلوس من جيبه… برضه شايف إننا مقصرين؟
نزل عينه. أبويا قال: — يا ابني، أنا مش زعلان على الأكل. وبص لأم خطيبي وقال: — أنا زعلان إن بنتي من امبارح وهي شايلة هم إنها ترضيكم، بدل ما تكون فرحانة إنها داخلة على جواز. أم خطيبي قالت: — يا حاج، إحنا عايزين نضمن مستقبل ابننا.
