عربيه رجل المـ.ـافيا

كانت نور تأكل قطعة كيك. هدى كانت شاردة. ثم قالت نور. نعم؟ إنتِ كنتِ بتشوفي الراجل من شباك أوضتك؟ هزت نور رأسها. أيوه. طيب ليه ما قولتيليش؟ نور قالت قلتلك. هدى ابتسمت بحزن. إمتى؟ لما قلت لك إن فيه راجل بيلعب تحت العربية.

هدى تذكرت. كانت قد ظنت أن ابنتها تتخيل. قالت طيب قوليلي حاجة. نور رفعت عينيها. الراجل كان بييجي كل ليلة؟ هزت رأسها. لأ. كام مرة؟ نور بدأت تعد على أصابعها. واحد… ثم إصبع آخر. اتنين… ثم قالت تلاتة.

تلات ليالي؟ أومأت. هدى سألت والليلة الرابعة؟ نور هزت رأسها. ما جاش. ليه؟ قالت نور علشان كان جوه. تجمدت هدى. مين كان جوه؟ نور قالت الراجل التاني. في نفس اللحظة، كان سليم في مكتبه. أمامه محمود. وعلى المكتب ملف كامل. قال محمود قدرنا نحدد صاحب العربية البيضاء.

سليم رفع عينيه. مين؟ محمود قال اسمًا جعل سليم يسكت. كمال عبد الرحيم. سليم تراجع في كرسيه. كان كمال عبد الرحيم مديرًا سابقًا في إحدى شركاته. رجلًا قضى معه أكثر من عشر سنوات. وكان من أقرب الأشخاص إليه. لكن قبل عام، استقال فجأة. لم يطلب شيئًا. لم يشرح.

فقط اختفى. سليم قال كمال مات. محمود قال المفروض. إيه معنى المفروض؟ في السجلات الرسمية، كمال توفى من سنة. سليم نظر إليه. وإنت بتقول إن العربية باسمه؟ مش باسمه حاليًا. محمود وضع ملفًا آخر. لكن بصمة التسجيل مرتبطة بحساب قديم. سليم فتح الملف. ثم توقف عند صورة. كانت صورة كمال.

لكن أسفلها تقرير حديث. يعني كمال حي. محمود أومأ. أو حد بيستخدم هويته. سليم قال لا. متأكد؟ كمال ما كانش بيستخدم حد. ثم أغلق الملف. هاتوا كل حاجة عنه. في تلك اللحظة، دخلت هدى المكتب. آسفة يا فندم. سليم نظر إليها. في إيه؟ ممكن أكلم حضرتك؟

أشار لها بالجلوس. جلست. كانت مترددة. أنا مش عايزة أكون سبب مشكلة. اتكلمي. قالت من حوالي أسبوعين، لقيت ظرف تحت باب شقتنا. محمود انتبه. ليه ما قولتيش؟ هدى قالت افتكرته إعلان. سليم قال كان فيه إيه؟ صورة. صورة إيه؟ هدى أخرجت هاتفها. صورة ليا أنا ونور. سليم تجمد.

منين؟ من قدام بيت أختي. محمود قال إنتِ ما قلتيش إنك بتروحي هناك. هدى قالت أنا فعلًا ما كنتش بقول لحد. سليم نظر إلى محمود. يعني حد كان بيراقبها قبل القصر. هدى قالت وفي الورقة كان مكتوب… سليم قال إيه؟