اشتغلت ممرضه
رجعت البيت وأنا حاسة إن كل حاجة اتفسرت. لكن كان فيه سؤال واحد إزاي نوقعهم؟ سامح قال لازم نخليهم يتكلموا بنفسهم. وفي اليوم اللي بعده، عملنا حاجة ما كنتش أتخيل إني أقدر أعملها. ركبت جهاز تسجيل صغير في أوضة الحاج حمدي.
ورجعت البيت وكأني ما أعرفش حاجة. بالليل، دخل رامي عند عمه. كنت واقفة برا الباب. سمعته بيقول خلاص يا عمي. سكت. أنت عرفت كتير. فضل ساكت. كان ممكن تسيب الشركة ليا ونخلص من الموضوع بهدوء. سكت. وبعدين رامي قال لكن إنت قررت تحرمنا من كل حاجة.
قلبي وقف. رامي كمل الدكتور قال إن الجرعة الجاية هتخلص الموضوع. أنا حطيت إيدي على بوقي. وأنت فاكر إن محدش عارف؟ صوت تاني خرج من الأوضة. صوت الدكتور شريف. لازم نخلص الليلة. رامي رد والبنت؟ الدكتور قال نجلاء؟ رامي آه. الدكتور سكت.
وبعدين قال هنخليها تمشي من نفسها. رامي ضحك. ولو ما مشيتش؟ جاء الرد يبقى الحاډثة اللي حصلت على السلم ممكن تحصل تاني. حسيت رجلي بتترعش. في اللحظة دي، موبايلي رن. صوت الرنة ملأ المكان. سكتوا. وبعدين سمعت رامي مين برا؟! جريت.
نزلت السلم وأنا شايلة آدم. رامي جري ورايا. لكن قبل ما يوصلني أبواب البيت اتفتحت. دخلت قوة من الشرطة. وراءهم الأستاذ سامح. رامي وقف مكانه. الدكتور شريف حاول يرجع ناحية الباب. الضابط مسكه. رامي بصلي. إنتِ عملتي إيه؟
بصيت له وقلت سمعت كل حاجة. الضابط طلع جهاز التسجيل. وإحنا كمان. رامي وشه اصفر. لكن المفاجأة ما كانتش هنا. الضابط قال وفي حاجة تانية يا أستاذ رامي. طلع ورقة. إحنا كنا بنتابع تحويلات الشركة من فترة. رامي سكت.
وعندنا تسجيلات كاميرات، وتحويلات بنكية، وتقارير طبية. الدكتور شريف حاول يتكلم. أنا كنت منفذ أوامر. الضابط بصله والأوامر مسجلة. في اللحظة دي، حصلت أغرب حاجة. الحاج حمدي ظهر عند باب الأوضة. كان واقف على رجليه.
بمساعدة كرسي متحرك. رامي بصله وكأنه شاف شبح. إنت؟! الحاج حمدي رفع عينه له. وقال بصوت ضعيف لكنه واضح لسه مستعجل على مۏتي يا رامي؟ رامي رجع خطوة. عمي أنا قاطعه سمعت كل حاجة. رامي وقع على الكرسي. وبدأ يقول أنا كنت خاېف كنت فاكر إنك هتطردني من الشركة.
الحاج حمدي رد كنت هسامحك لو طلبت. سكت. لكن إنت اخترت تقتلني. بعدها بأيام، بدأت التحقيقات. التقارير أثبتت إن الأدوية اللي كان بياخدها الحاج حمدي اتغيرت أكتر من مرة من غير علم المستشفى. والتحويلات البنكية كشفت إن رامي كان بيحوّل مبالغ ضخمة لحسابات خارجية.
