حماتي

حماتي كانت كل يوم تقريبًا تقولي ج 1 2حماتي كانت كل يوم تقريبًا تقوللياخرجي بره بيتي!وفي يوم قررت أسمع كلامها فعلًا...اتصلت بشركة نقل عفش. وبعد نص ساعة بس، كان البيت بتاعها بيتفضى قدام عينيها حتة حتة!أ… حماتي كانت كل يوم تقريبًا تقولي ج 1 2حماتي كانت كل يوم تقريبًا تقوللياخرجي بره بيتي!وفي يوم قررت أسمع كلامها فعلًا...اتصلت بشركة نقل عفش. وبعد نص ساعة بس، كان البيت بتاعها بيتفضى قدام عينيها حتة حتة!أنا متجوزة بقالى 3 سنين. وأكتر جملة سمعتها من حماتي خلال ال سنين دول كانتالبيت ده أنا اللي شرياه، فبطلي تعيشي فيه دور ست البيت!لو اتخانقت أنا وجوزي...اخرجي بره بيتي! لو الأكل طلع مالح شوية...مش عاجبك؟ اخرجي بره بيتي!حتى لو اشتريت بوكيه ورد صغير وحطيته في الصالة، كانت لازم ترميلي كلمتينما هو أكيد مش من فلوسك يعني!لحد الليلة دي...الجزء الثاني طرف الختم الأحمر كان ظاهر وسط الورق المقطع. محدش اتكلم. سامية كانت لسه ماسكة قطع الورق في إيدها. هي افتكرت إنها بتقطع فواتير. لكنها ما تعرفش إن أهم ورقة عندي كانت جوه نفس العلبة. مش لأني واثقة فيها. بالعكس. لكن لأني كنت عارفة إنها عمرها ما هتبص أصلًا على الفواتير. في نظرها، أي حاجة أنا اشتريتها مالهاش قيمة. فلوسي مالهاش قيمة. الحاجة الوحيدة اللي تستحق الذكر هي مقدم الشقة اللي دفعته هي. أحمد كان أول واحد يتحرك. انحنى عشان يلم الورقة. لكن أنا كنت أسرع. حطيت رجلي فوق طرفها. ماتلمسهاش. إيده وقفت. منى... كفاية بقى، بلاش تكبري الموضوع. بصيتله. دلوقتي بس اكتشفت إن الموضوع كبير؟سامية فاقت من صدمتها. إنتِ فاكرة إنك هتخوفينا بكام ورقة؟!كل اللي في البيت ده ملك عيلة أحمد!عامل النقل قال بهدوءطالما فيه خلاف على ملكية الأثاث، إحنا مش هنقدر ننقل حاجة قبل ما الملكية تتحدد. سامية ابتسمت بانتصار. سمعتي؟حتى الناس مش راضية تنقل!وبصتلي باحتقار. إنتِ في الآخر واحدة غريبة عن العيلة، وعايزة تفضيلي بيتي؟واحدة غريبة. رغم إن قسيمة الجواز عليها اسمي واسم ابنها. ورغم إني بقيت مراته رسمي. لكن في البيت ده...أنا طول عمري كنت الغريبة. انحنيت ولميت الورق المقطع. وبدأ الختم يظهر. كانت الورقة جزءًا من كشف تفصيلي بالمصاريف اللي دفعتها خلال فترة الجواز. بدأت أعمل الكشف ده من السنة التانية. وقتها أحمد قرر يشتري عربية. وكان ناقصه مبلغ في المقدم. قالليطلعيهم من تحويشتك. وسامية كانت قاعدة وقالتإنتوا متجوزين، يعني إيه فلوسي وفلوسه؟ مرتبك كبير، ساعدي جوزك. ساعتها ما اتكلمتش. دفعت. لكن من اليوم ده...بدأت أسجل. كل تحويل. كل خصم بنكي. كل فاتورة. كل جنيه دفعته. وكل حاجة كنت برفع منها نسخة إلكترونية. يعني الورق اللي قطعته سامية؟مجرد نسخة احتياطية. رفعت الموبايل. التسجيل شغال. وتسجيل الشاشة شغال. فتحت التخزين السحابي. ظهر فولدر اسمهمصاريف بيت أحمد. جواه...أقساط الشقة. فواتير الأجهزة. آخر دفعة لتشطيب الشقة. المبلغ اللي دفعته في مقدم العربية. الأدوية والمكملات اللي اشتريتها لسامية. فلوس دروس بنت خالتهم. وكمان كارت جلسات التجميل اللي دفعته لأخت أحمد. كل حاجة. بالتاريخ. وبالمبلغ. وبالتحويل. أخت سامية قامت من مكانها. دروس إيه؟!ماتدخليش اسمي في كلامك!فتحت صورة التحويل. اسم المستلم كان بنتها. والمبلغ واضح. والملاحظةمصاريف الدروس. اليوم ده سامية هي اللي جاتلي بالموبايل. وقالتالبنت داخلة امتحانات. وإنتِ مرات ابن خالتها، ساعديها. إحنا في الآخر عيلة واحدة. دفعت. من غير إيصال. ومن غير وصل أمانة. لكن التحويل البنكي موجود. أخت سامية سكتت. سامية قالتيعني عشان ساعدتي قرايبك هتمسكي علينا دفتر؟!إنتِ قد كده مادية؟قلتالمحكمة هي اللي تحدد. أحمد وشه اتغير. محكمة إيه؟بصيتله. اللي عليه فلوس ليا، هطالبه بيها قانوني. سامية خبطت على الترابيزة. إنتِ اتجننتي؟!أكلتي وشربتي وعشتي في بيتنا، ودلوقتي هترفعي علينا قضايا؟مسكت فاتورة. التلاجة أنا اللي دفعتها. طلعت التانية. الغسالة أنا. والتالتة. الكنبة أنا. السفرة أنا. المرتبة أنا. الستاير أنا. وبصيتلها. ده اسمه إني كنت عايشة على حسابكم؟وسكت ثانية. ولا أنتم اللي كنتوا عايشين على حسابي؟محدش رد. أحمد فجأة مد إيده ناحية موبايلي. رجعت خطوة. لو حاولت تاخده مني هطلب الشرطة. وقف. وبصلي بعصبية. إحنا متجوزين يا منى! لازم يعني توصليها لكده؟قلت فورًاأيوه. من تالت مرة أمك طردتني فيها من البيت، كان لازم أبدأ أوثق كل حاجة. سامية صرختما تروحي بيت أهلك!خلي أبوكي وأمك يصرفوا عليكي! فضلت باصة لوشها. نفس الوش ده...هو اللي كان قدامي تاني يوم بعد فرحي. يومها أمي كانت جايبالي إسورة دهب. سامية أخدتها وقالتهخليهالك عندي عشان ماتضيعيش. ما طلبتهاش. بعد 6 شهور...لقيت الإسورة في إيد بنتها. لما سألت قالتليأخت جوزك لبستها شوية، يعني حصل إيه؟الليلة دي عيطت لحد الصبح. لكن الصبح...قومت عملتلهم الفطار. دلوقتي بس فهمت. كان المفروض أمشي من اليوم ده. في اللحظة دي واحدة من الجيران طلعت على الصوت. فيه إيه يا جماعة؟سامية غيرت نبرتها فورًا. مفيش حاجة. مرات ابني عاملة مشكلة وعايزة تاخد عفش البيت. الجارة بصتلي. أنا ما شرحتش. بس عليت صوت التسجيل. وصوت سامية ملأ الصالةعايزة تمشي امشي!عايزة أشوف هتاخدي إيه من بيتي!محدش يدخل!إنتِ واحدة غريبة عن العيلة!الجارة بصت لسامية. الكلام ده صعب يا سامية. دي مرات ابنك برضه. سامية وشها احمر. إنتِ ماتعرفيش دي عاملة إيه فينا!ابتسمت. طب ما نخلي الناس تشوف أنا عملت إيه. فتحت الصور. صور الحوض مليان مواعين الساعة 11 بالليل. فواتير الخضار اللي كنت بجيبه الصبح بدري. صورة الترمومتر يوم حرارتي كانت 39. وصورة أحمد قاعد على الكنبة بيلعب وأنا بنضف وراه. صورة وراء صورة. محدش اتكلم. أخت سامية مسكت شنطتها. أنا لازم أمشي. وقفت قدام الباب. فلوس دروس بنتك. عايزاها ترجع. وشها ابيض. أم أحمد هي اللي قالتلي آخدهم!قلتاللي استلم الفلوس يرجعها. سامية تدخلت بسرعةأنا اللي قولتلها!بصيتلها. خلاص، رجعيهم إنتِ. سكتت. أحمد انفجركفاية يا منى!إنتِ عايزة فلوس؟ خلاص هنديكي فلوس!بصيتله. مش الفلوس بس. سكت لحظة. وقلتأنا عايزة الطلاق. الصالة كلها اتجمدت. أحمد بصلي كأنه مش فاهم. إنتِ قولتي إيه؟عايزة الطلاق. سامية كانت أول واحدة تصرختطلقي؟ اتطلقي!إحنا أصلًا مش عايزين واحدة زيك!وهتخرجي من البيت بإيدك فاضية!لفيت الموبايل ناحيتها. متأكدة من إيدي فاضية دي؟قالتأيوه!مش هتاخدي جنيه!هزيت راسي. وفتحت فولدر تاني. اسمهالشقة. جواه كل دفعات القسط خلال ال شهر. كل شهر. والمبلغ اللي كان بيتخصم من حسابي واضح. إجمالي اللي دفعته أنا لوحدي كان مبلغ ضخم. المرة دي وش أحمد اتغير تمامًا. قرب مني وقال بصوت واطيإنتِ موثقة كل ده من إمتى؟ما رديتش. لأن موبايلي رن. صاحب شركة نقل العفش. يا مدام منى، حضرتك كاتبة في الطلب إن فيه خزنة محتاجة فك ونقل، صح؟لفيت ناحية أوضة سامية. سامية هي كمان بصت ناحية الأوضة فورًا. وشفت حاجة في عينيها...خوف. الخزنة دي عمرها ما كانت بتسمحلي أقرب منها. لأ!الخزنة دي محدش يقرب منها!بصيت لإيديها وهي ماسكاني. وبعدين رفعت عيني لوشها. كل ما خوفها كان بيزيد...كنت بتأكد أكتر. إن اللي جوه الخزنة...مش مجرد حاجات قديمة بتاعة العيلة. وإن اللحظة اللي الخزنة دي هتتفتح فيها...ممكن تقلب كل حاجة رأسًا على عقب.03 الجزء الثالث والأخيرسامية كانت ماسكة دراعي بكل قوتها. لأ! الخزنة دي محدش يقرب منها!بصيت لإيديها اللي كانت بتترعش وهي ماسكاني. من 3 سنين وأنا عايشة معاها...عمري ما شوفت الخوف ده في عينيها. حتى لما طلعت الفواتير. حتى لما قولت إني هطالب بفلوسي. حتى لما قولت إني عايزة الطلاق. ما خافتش بالشكل ده. لكن مجرد ما جبت سيرة الخزنة...وشها اتغير تمامًا. سحبت دراعي من إيديها وقلتغريبة. من شوية كنتِ بتقولي إن كل حاجة في البيت بتاعتك. دلوقتي بقيتي خايفة ليه؟ أحمد دخل بينا بسرعة. منى، سيبي الخزنة. بصيتله. ليه؟لأنها بتاعة أمي. وأنا ماقولتش إنها بتاعتي. سكت شوية. وبعدين قلتأنا عايزة أشوف بس الحاجة اللي تخصني واللي اتحطت جواها من غير إذني. سامية اتوترت أكتر. مفيش حاجة تخصك فيها!ابتسمت. متأكدة؟أيوه!يبقى مفيش داعي للخوف. لفيت ناحية عامل النقل. فكها. العامل اتردد. يا فندم، إحنا نقدر نفكها من مكانها، لكن مش هنفتحها ولا نلمس اللي جواها طالما فيه خلاف. قلتتمام. فكها بس. أول ما العامل اتحرك ناحية أوضة سامية، هي وقفت قدام الباب. والله لو حد دخل الأوضة دي هطلب الشرطة!قلت بهدوءاطلبيها. سامية سكتت. ياريت فعلًا تطلبي الشرطة. ملامحها اتجمدت. الجارة اللي كانت واقفة عند الباب بصتلها باستغراب. وأخت سامية، اللي كانت من شوية مستعجلة تمشي، رجعت قعدت مكانها. واضح إن الفضول غلبها. أما أحمد...فكان واقف ساكت. لكن عرقه بدأ يظهر على جبينه. وهنا...فهمت. الخوف مش عند سامية لوحدها. أحمد كمان عارف. بصيتله. إنت عارف إيه اللي جوه الخزنة، صح؟لأ. رد بسرعة زيادة عن اللزوم. معرفش. قربت منه خطوة. بصلي وقولها. رفع عينه ليا. ثانيتين...وبعدين بص بعيد. ضحكت. تمام. طلعت موبايلي. يبقى أنا اللي هطلب الشرطة. سامية صرختشرطة إيه؟!إنتِ عايزة تفضحينا قدام الناس؟!بصيتلها. اللي معندوش حاجة يخبيها مش بيخاف من الشرطة. وقبل ما أكمل الرقم...أحمد قالاستني. إيدي وقفت. كلنا بصينا له. بلع ريقه. أنا هفتحها. سامية صرختأحمد!لف ناحيتها. خلاص يا أمي. الموضوع كبر. قرب من الخزنة. سامية مسكت هدومه من دراعه. قولتلك لأ!أحمد نفض إيدها بعصبية. ودي تقريبًا كانت أول مرة أشوفه بيعترض عليها بجد. أمال نعمل إيه؟!نخليها تجيب الشرطة؟سامية بصت حواليها. للعمال. للجارة. لأختها. وبعدين ليا. وفجأة قالتكلكم اطلعوا بره. قلتلأ. الخزنة تتفتح وأنا موجودة. أحمد دخل أوضة أمه. دخلت وراه. الخزنة كانت مستخبية جوه الدولاب. خزنة رمادي صغيرة، مثبتة في الحيطة. أحمد قعد قدامها. مد إيده للأرقام. وأنا كنت حافظاهم. لأن الرقم اللي شوفته امبارح كان لسه في دماغي. دخل الرقم. سمعت صوتتك. باب الخزنة اتفتح. سامية شهقت. وأنا قربت. في الأول شوفت شوية ملفات. علب دهب. فلوس متربطة بأستك. وأظرف. لكن أول حاجة شدت عيني...كانت علبة قطيفة حمرا. قلبي دق. أنا أعرف العلبة دي. مديت إيدي وخدتها. سامية قالت بسرعةسيبيها!فتحتها. واتجمدت. الإسورة. إسورة أمي. نفس الإسورة الدهب اللي أمي ادتهالي يوم جوازي. واللي سامية أخدتها مني تاني يوم. واللي بعدها بشهور شوفت واحدة شبهها في إيد بنتها. مسكتها بإيدي. لكن أول حاجة شدت عيني...كانت علبة قطيفة حمرا. قلبي دق. أنا أعرف العلبة دي. مديت إيدي وخدتها. سامية قالت بسرعةسيبيها!فتحتها. واتجمدت. الإسورة. إسورة أمي. نفس الإسورة الدهب اللي أمي ادتهالي يوم جوازي. واللي سامية أخدتها مني تاني يوم. واللي بعدها بشهور شوفت واحدة شبهها في إيد بنتها. مسكتها بإيدي. وقلتمش دي اللي قولتي إن بنتك أخدتها؟سامية ما ردتش. فتحت علبة تانية. لقيت حلق دهب. وتالتة. سلسلة. ورابعة...خاتم. كلهم بتوعي. حاجات كنت فاكرة إنها راحت. حاجات كل مرة أسأل عنها، سامية تقولإنتِ نسيتي حطيتيها فين. أويمكن عند أمك. أوإنتِ مهملة. لكنهم كانوا هنا. كلهم. بصيت لأحمد. كنت عارف؟قال بسرعةوالله ما كنت أعرف إن دهبك هنا. سامية قالتأنا كنت بحافظ عليه! ضحكت. بتحافظي عليه؟رفعت الإسورة قدامها. من غير إذني؟لمدة 3 سنين؟وتقوليلي إنها مع بنتك؟سامية اتلخبطت. أصل...كنت خايفة تبيعيه. سكت. وبعدين بصيت جوه الخزنة تاني. وكان ممكن الموضوع يقف عند الدهب. لكن ملف أزرق شد انتباهي. عليه اسم أحمد. طلعت الملف. أحمد اندفع ناحيتي. منى، سيبي الورق ده. رجعت لورا. ليه؟ده ورق خاص. خاص بإيه؟ سامية قالتمالكيش دعوة!فتحت الملف. وأول ورقة خلتني أسكت. كانت كشف حساب. مش حساب سامية. حساب أحمد. قلبت الصفحة. تحويلات شهرية. كل شهر تقريبًا...بعد ما قسط الشقة يتخصم من حسابي بأيام، كان فيه تحويل من حساب أحمد لحساب أمه. مبالغ مختلفة. مرة مبلغ كبير. مرة أقل. مرة أكتر. فضلت أقلب. شهر. اتنين.6 شهور. سنة. سنتين. نفس الحكاية. رفعت عيني لأحمد. إيه ده؟وشه كان أبيض. دي فلوس أمي. لأ. قربت الورقة من وشي. دي تحويلات منك ليها. كل شهر تقريبًا. سكت. قلتيعني إنت كان معاك فلوس. وفي الوقت اللي كنت بتقولي فيه إن مرتبك خلص...وإن أنا لازم أدفع قسط الشقة...كنت بتحول جزء من مرتبك لأمك؟ سامية دخلت بسرعةوهو حر!دي فلوس ابني!لفيت ناحيتها. طبعًا هو حر. وأنا كمان كنت حرة في فلوسي. بس هو كان بيقولي إن مفيش معاه فلوس للقسط. وبعدين بصيت لأحمد. فاكر لما أخدت من تحويشتي مقدم العربية؟قولتلي إيه؟ما ردش. قلتمعاياش. فاكر لما دفعت مصاريف علاج أمك؟قولتلي إيه؟سكت. معاياش. صوتي بدأ يتهز، لكن مش من العياط. من الغضب. ولما كنت بطلب منك تساعدني في مصاريف البيت؟كنت تقولي مرتبي بيطير. حطيت الورق على الترابيزة. طلع ماكانش بيطير. كان بيتحول. حماتي كانت كل يوم تقريبًا تقولي ج 2 أحمد قال أمي كانت بتحوشهم. وقفت. إيه؟ بص لسامية. وبعدين قال كانت بتحوش الفلوس لينا. سامية صرخت اسكت يا أحمد! لكن الكلمة خرجت. بتحوش. بصيت للخزنة. وبعدين للفلوس اللي جواها. وبعدين لأحمد. وفجأة حاجات كتير ركبت فوق بعضها. قلت بتحوشهم ليكم ليه؟ أحمد ما ردش. مسكت ملف تاني. كان فيه ورقة حجز وحدة سكنية. شقة جديدة. باسم سامية. لكن اللي صدمني... كان رقم الموبايل المسجل للتواصل. رقم أحمد. وتاريخ الحجز؟ من 8 شهور. فضلت باصة للورقة. شقة تانية؟ سامية قالت دي حاجة تخصني. قلت وأنا ما سألتكيش. بصيت لأحمد. سألت جوزي. إنت كنت بتحوش مع أمك عشان تشتروا شقة تانية؟ سكت. وأنا هنا بدفع قسط الشقة دي؟ سكت. وبدفع الكهربا والمياه والأكل؟ ولا كلمة. وإنتوا بتحوشوا مرتبك عشان تشتروا عقار تاني باسم أمك؟ أحمد انفجر كنت عايز أأمن مستقبلنا! ضحكت. مستقبل مين؟ مستقبلنا إحنا. رفعت الورقة. أمال ليه باسم أمك؟ ما عرفش يرد. سامية قالت عشان لو حصل اللي بيحصل دلوقتي! لفيت ناحيتها. الجملة خرجت منها من غير ما تحس. سكتت فورًا. لكن خلاص. اتقالت. قربت منها. يعني كنتوا حاطين احتمال إني أطلب الـ،،نـ،،فـ،،صـ،،ا ل؟ وكنتوا بتخلوا الفلوس والأصول باسمك... عشان لو مشيت ماخدش حاجة؟ سامية قالت أنا ماقولتش كده. رفعت موبايلي. بس التسجيل قال. وشها وقع. أحمد حط إيده على راسه. يا أمي... لكن أنا كنت خلاص بطلت أسمعهم. رجعت للخزنة. كان فيه ظرف أبيض في الآخر. مكتوب عليه بخط إيد سامية منى. مديت إيدي. سامية اندفعت ناحيتي. لأ! لكن المرة دي أحمد وقفها. فتحت الظرف. كان جواه ورقة واحدة. وقائمة. الإسورة. السلسلة. الحلق. الخاتم. وتحتهم أسعار تقريبية. وفي آخر الورقة جملة يتم بيعهم عند الحاجة لاستكمال دفعة الشقة الجديدة. حسيت إن نفسي وقف. بصيت للدهب. دهب أمي. دهبي. كانوا ناويين يبيعوه. مش يحافظوا عليه. ولا يخافوا أضيعه. كانوا حاطينه احتياطي. عشان يكملوا شقتهم الجديدة. رفعت الورقة. لسه هتقولي بتحافظي عليه؟ سامية سكتت. المرة دي... مفيش إجابة. ولا حتى كذبة. أخت سامية قامت من مكانها وقالت أنا ماليش دعوة بالكلام ده. بصيتلها. قبل ما تمشي... الفلوس. منى، مش وقته. بالعكس. ده أحسن وقت. أخرجت موبايلها وهي متضايقة. وبعد دقايق... وصلني إشعار التحويل. فلوسي رجعت. بصيت لسامية. دهبي هاخده. وكل حاجة عليها فاتورة باسمي هاخدها. وأي مبلغ مختلف عليه، المحامي هو اللي هيتعامل فيه. سامية صرخت محامي؟! قلت أيوه. لأن أنا بطلت أحل المشاكل في المطبخ. خرجت للصالة. وقلت للعمال انقلوا الحاجات اللي مفيش خلاف عليها واللي معايا إثبات ملكيتها. وبدأ البيت يفضى. التلاجة خرجت. بعدها الغسالة. السفرة. الكنبة. التلفزيون اللي كنت شرياه من مكافأة شغلي. الستاير اتفكت. حتى ماكينة القهوة خرجت. بعد حوالي ساعة... الصالة اللي كانت سامية بتقف فيها كل يوم وتقول لده بيتي. .. بقت شبه فاضية. كرسيين قدام حيطة. وترابيزة قديمة. وسامية واقفة في النص. ساكتة. لأول مرة... ماكانش عندها حاجة تقولها. أحمد وقف عند الباب. منى. ما بصتلوش. ممكن نتكلم لوحدنا؟ قلت اتفضل. طلعنا عند باب الشقة. قال أنا غلطت. سكت. كان المفروض أقف جنبك. كان المفروض ما أخليش أمي تتعامل معاكي كده. فضلت ساكتة. قال بس إحنا ممكن نصلح كل حاجه. بصيتله. كل حاجه؟ أيوه. قلت فاكر أول مرة أمك قالتلي اخرجي من بيتي؟ سكت. إنت كنت واقف جنبها. وتاني مرة؟ سكت. والعاشرة؟ والعشرين؟ والمرة اللي كنت فيها سخنة وحرارتي 39 وإنت صحيتني عشان أعملكم أكل؟ نزل عينه. قلت المشكلة مش إن أمك كانت بتطردني. المشكلة إن جوزي عمره ما قاللها مرة واحدة ده بيت مراتي زي ما هو بيتنا. دموعه لمعت. أنا آسف. هزيت راسي. الاعتذار مش بيرجع 3 سنين. وسبتُه. رجعت جبت شنطتي. قبل ما أخرج، سامية قالت من ورايا لو خرجت من الباب ده... وقفت. كنت عارفة باقي الجملة. سمعتها عشرات المرات. ماترجعيش. لكن الغريب إنها ماقدرتش تكمل. لفيت ناحيتها. وقلت كملي. سكتت. ابتسمت. أنا هكملهالك. مسكت الشنطة. لو خرجت من الباب ده... مش هرجع. ونزلت. بعد أسبوع... المحامي بدأ الإجراءات. ما أخدتش حاجة مش من حقي. وما سبتش حاجة تخصني خوفًا من كلام حد. الدهب رجعلي. الأثاث اللي أثبت إني اشتريته فضل معايا. أما الفلوس والأقساط والمبالغ اللي دفعتها خلال الجواز، اتحولت لموضوع حسابات ومستندات واتفاق قانوني بدل الخناقات والصوت العالي. وأحمد وافق في النهاية إن الانفصال يتم بهدوء. لكن المفاجأة الأخيرة حصلت بعد حوالي شهرين. كنت في شقتي الجديدة. شقة إيجار صغيرة. أصغر بكتير من بيت سامية. لكن أول مرة دخلتها... حسيت إنها أوسع مكان عشت فيه في حياتي. لأني كنت بدخلها بمفتاحي. ومحدش فيها يقدر يقولي اخرجي. في ليلة، جرس الباب رن. فتحت. لقيت أحمد. كان شكله متغير. خس. وعينيه باين عليها التعب. قال ممكن أدخل؟ قلت لأ. اتصدم. يمكن لأنه طول عمره متعود إني أوافق. قال أمي باعت الشقة الجديدة. سكت. حصلت مشاكل في الفلوس بينها وبين أختي. وكل واحد بقى بيطالب بحقه. ما علقتش. قال والبيت القديم... فاضي تقريبًا. وبعدين ضحك ضحكة مكسورة. عارفة الغريب إيه؟ بصيتله. قال أمي بقت كل يوم تبص للصالة وتقول البيت بقى وحش أوي. فضلت ساكتة. أحمد بصلي. وأنا كل مرة ببص للصالة. .. بفتكر إن كل حاجه كانت فيها تقريبًا إنتِ اللي جايباها. وبعدين قال بس واضح إن الحاجة الوحيدة اللي ماعرفناش قيمتها غير لما خرجت... كانت إنتِ. ما رديتش. لأن فيه جمل بتيجي متأخرة لدرجة إنها مابتصلحش حاجة. مد إيده بكيس صغير. لقيت ده في درج أمي. خدته. فتحته. كان جواه مفتاح قديم. مفتاح البيت. المفتاح اللي سامية ادتهولي أول يوم جواز. أحمد قال أمي قالت أرجعهولك. بصيت للمفتاح ثواني. وبعدين رجعتهوله. قولها تحتفظ بيه. استغرب. قلت أنا عندي مفتاح جديد. وبصيت ورايا. لشقتي الصغيرة. للورد اللي حطيته على السفرة. بوكيه كبير المرة دي. اشتريته من فلوسي. وحطيته في المكان اللي أنا عايزاه. من غير ما حد يسألني تمنه كام. ولا مين دفع. ولا يقولي إني مش ست البيت. ابتسمت. وقلت لأحمد عارف إيه أغلى حاجة أخدتها وأنا خارجة من بيتكم؟ بصلي. الدهب؟ هزيت راسي. لأ. الفلوس؟ لأ. سكت مستني. قلت نفسي. أخيرًا أخدت نفسي ومشيت. وقف أحمد قدامي ثواني طويلة. وبعدين نزل راسه ومشي. قفلت الباب. ولأول مرة... صوت قفل الباب ماحسسنيش إني محبوسة. حسسني إني في أمان. بصيت للورد. وابتسمت. 3 سنين كاملة كانوا كل شوية يقولولي اخرجي من بيتنا. وفي الآخر خرجت فعلًا. بس اللي هما ماكانوش عاملين حسابه... إني لما خرجت... أخدت معايا كل حاجة كانت بتخلي البيت ده بيت. والأهم... إني أخدت كرامتي معايا. النهاية.

مقالات ذات صلة

في تلك الليله

حب مستحيل

قسوة التعدد

معاش

اشتغلت ممرضه

اختي التوام

اترك تعليقاً إلغاء الرد