يتيمه منذ طفولتها

– كنت زعلانة، مش غريبة. – وأنا كنت غبي. ضحكنا، لكن بعد لحظة سكت وقال: – ليلى، في حاجة لازم تعرفيها. بصيت له بقلق: – خير؟ – نرمين رجعت مصر. الدنيا سكتت، زي ما لو الوقت وقف. حسيت إن اسمها لسه بيكهرب الهوا بينا. قلت وأنا بحاول أضحك: – طيب؟ هي حرة، مش كده؟

– أيوه، بس هي كلّمتني. – وكلّمتك ليه؟ ابتسم بخجل وقال: – قالت إنها عايزة تتأسف… وإنها غلطت. سكت، وأنا قلبي بيولع جوا صدري. مش عشان هي رجعت، لكن عشان هو لسه بيتأثر بصوتها. قلت له ببرود: – وإنت ناوي تعمل إيه؟

– مش عارف، حسيت إن لازم أقولك الأول. – تمام… قولتلي. قمت ودخلت الأوضة من غير ما أبصّ ورايا. هو ما لحقنيش. يمكن لأنه عارف إن في نار هادية بتولع جوايا، بس لسه ما انفجرتش. — تاني يوم، وهو في الشغل، جالي ظرف على البيت، عليه اسمي بخط ناعم.

فتحت الجواب، لقيت مكتوب: > “أنا آسفة يا ليلى، يمكن تكرّهيني، بس لازم تعرفي إن عمر كان بيكلّمني قبل ما يتجوّزك، وكنت أنا السبب إنه يتأخر في قراره. ماكنتش عارفة إنه لسه بيحبك ساعتها. سامحيني.” الجواب ده وقع عليا زي السكينة.

مش لأن فيه خـ,ـيانة، بس لأن فيه وجع قديم اتفتح تاني. كل اللي كنت فاكرة إني تجاوزته رجع دفعة واحدة. استنيته لحد ما رجع البيت. كان شكلي باين عليا، بصلي وقال بخوف: – مالك؟ – هي دي كانت أول مرة تكلمها من سبع سنين؟ وشه اتغيّر: – ليلى، اسمعيني… – جاوبني بس.

– لأ، كلمتها مرة قبل ما نرجع لبعض. كنت محتار، وكنت محتاج أقفل الباب اللي بينا. – وأنت فعلاً قفلته؟ – أيوه. يوم ما رجعت لك كنت متأكد إني خلصت منها. دموعي نزلت غصب عني: – طب ليه ما قولتش؟

— مرت أيام، والسكوت بقى لغة جديدة بينا. هو بيحاول يقرب، وأنا كنت بردّ ببرود. بس جوايا كنت بتقطع. وفي يوم، وأنا في الشغل، جالي تليفون منه: – ليلى، ممكن تيجي المستشفى بسرعة؟ قلبي وقع. روحت أجري، لقيته نايم على السرير، وشه شاحب، وعلى إيده محاليل.

صرخت: – إيه اللي حصل؟ – كان عندي دوخة وأنا سايق… طلع عندي أنيميا شديدة وضغط. مسكت إيده وعيوني دمعت: – ليه ما قلتليش إنك تعبان؟ ضحك وقال: – خفت أقول فتزعلي أكتر. – يا غبي، أنا زعلانة عشان بحبك. اللحظة دي كسرت الحاجز اللي بينا.

دموعي نزلت، وهو مسك إيدي وقال: – كنت خايف أخسرك تاني، يا ليلى. – وإنت فاكرني ممكن أسيبك؟ – بعد الجواب… خفت. – الجواب خلاني أفتكر الوجع، بس وجودك فكرني ليه استحملت الوجع ده من الأول. — بعدها بأيام، رجعنا البيت، وكل حاجة اتبدّلت. بقينا بنتكلم أكتر، بنضحك على الحاجات الصغيرة اللي نسيناها.