خبيت ورقه طلاقي

وهناك فهم الدرس اللي مفيش أي تقرير مالي علمه له أنه مش يقدر يشتري الثقة.. ومش هيقدر يفرض الحب.. ومش هيقدر يعوض شهور غياب بشنطة لعب. فضل ساكت لحد ما البنت هديت في حضڼي.. وسأل بصوت واطي كنتي بتغنيلها إيه عشان تنام؟

السؤال فاجئني بتحب أغنية زمان أمي كانت بتغنيهالي. ممكن تعلميهالي؟ بصيت له شوية.. وبعدين هزيت راسى بأيوة. واليوم ده.. ولاول مرة.. مراد قفل تليفونه وسبه على الترابيزة. قعد سنتين أقصد ساعتين جنب العيال.. ماتكلمش عن البورصة.. ولا سأل عن المستثمرين.. ولا فتح شاشات الشغل.. كل اللي عمله إنه كان موجود.

. ولما الزيارة خلصت.. ياسين كان نام وهو ماسك صباعه. بصله مراد طويلًا ضاع مني كتير قوي.. أيوة.. بس لسه في إيدك تختار متضيعش اللي جاي. الاختبار الحقيقي بعد شهرين.. قامت أزمة كبيرة في مجموعة الشهاوي.

أعضاء في المجلس طعنوا في عقود استثمار قديمة، وطلبوا يعرفوا مصدر رأس المال اللي أنقذ الشركة زمان. اسم نورثبريدج طلع في وشهم.. ولما بعض المساهمين عرفوا علاقتي بالشركة دي، حاولوا يستغلوها عشان يضغطوا على مراد! وقالوا إن انفصالنا ممكن يعمل أزمة في الإدارة. عمه..

وعمه ضحك باستهزاء أتمنى تكون جاهز تشرح ليه مراتك كانت بتدير التمويل من ورا الكواليس! مراد بص له بكل ثقة أنا جاهز أشرح الأهم من كده بكتير. فتح الملف من أربع سنين، لما الشركة دي كانت على حافة الإفلاس، كلكم رفضتوا تقفوا جنبي.

. وبعضكم تفاوض مع الدائنين عشان يبيعوا أصولنا بأبخس سعر! الجو في القاعة اتقلب. زينب استثمرت مالها الخاص وقت ما محدش كان عايز يشيل الليلة.. وكمان وفرت سيولة منعت شركتنا تقفل. عمه خبط الترابيزة بعصبية ده معناه إن مراتك كان لها أغراض تانية!

لا رد مراد بصرامة ده معناه إن كان فيه مستثمرة حقيقية.. ومخدتش حقها من التقدير أبدًا. محامي الشركة عرض العقود الأصلية وتحويلات الفلوس.. وكلها راجعوها مستشارين قانونيين.. العمليات كانت قانونية ١٠٠٪. وبعدين مراد كضاف حاجة محدش توقعها لسنين طويلة، سكت وخدت الفضل كله ليا في إنقاذ الشركة دي.

. والنهارده جاي أصحح الغلط ده.. زينب المنشاوي هي السبب الأساسي في إننا واقفين هنا النهاردة! محدش فتح بقه. وعايز أقول حاجة تانية كمل كلامه مشاكلنا الشخصية ملهاش أي علاقة بحقوقها كمستثمرة.. وحقوقها هتتحفظ كاملة بالقانون. عمه حاول يقاطعه.