خبيت ورقه طلاقي

. بستريح. نزل عينه في الأرض عمري ما كنت عايز تخلصي بالشكل ده. بصيت له بستغراب بالشكل ده اللي هو إيه؟ لوحدك.. مضطرة تهربي بعيالنا. أنا مش لوحدي يا مراد.. ومهربتش عشان فلوس أو مساعدة.. أنا مشيت لأني بجد مبقتش قادرة أكمل وأنا شفافة في بيتي!

شد على شفايفه كنت فاكرك فاهمة.. فهمت كتير زيادة عن اللزوم. سكت شوية.. وبعدين طلع علبة صغيرة من جيبه. عرفت الاسورة اللي كنت باعتها من أول ثانية. رجعتها قال بهدوء كنت فاكرك هتحبي تلبسيها تاني. بصيت للحاجة من غير ما ألمسها عارف أنا ليه بيعتها يا مراد؟

هز راسه بالنفي عشان أقدر أدفع سفرية الطيارة من غير ما استنى منك مليم.. ولأني كل ما كنت بشوفها كنت بفتكر إنك اشتريتها عشان تصالحني على أول عيد جواز نسيته. مسك العلبة في إيده بثقل.. ورجع حطها في جيبه عايز أصلح اللي هببته.. فيه حاجات ممكن تتصلح يا مراد.

. ممكن تتعلم تكون أب حاضر.. ممكن تعمل بمسؤولياتك.. ممكن تعاملني باحترام.. بس عمرك ما هتجيبلي السنين اللي حسيت فيها إني وحيدة وسط الناس! عينيه دمعت لسة بحبك.. الكلمة دي.. اللي زمان كنت هدفع عمري عشان أسمعها.. مبقاش ليها أي تأثير جويا جايز.

. بس الحب لوحده مبيعملش حاجة لو الشخص التاني عمره ما حسسهولنا فعلاً. نزل راسه.. ولأول مرة أشوفه بلا حجج ولا كلام. العيال اللي مكنش يعرفهم الجزء الأصعب جه لما اتكلمنا عن التوأم. مراد كان عايز يقضي وقت معاهم.. وأنا معترضتش.. بعيداً عن فشلنا كزوجين، هو يفضل أبوهم.

بس اشترطت إن العلاقة دي تبنى بالتدريج، وتراعي روتين العيال واحتياجاتهم.. اتفقنا إن الزيارات في الأول تكون في حضور مساعدة معروفة ليهم، لحد ما يتعودوا عليه. في أول زيارة، مراد جه البيت ومعاه شنط قد كده. شاريلهم لعب وهدوم ودباديب غالية. ياسين بص للحاجات بفضول..

أما صبا فعيطت أول ما حاول يشيلها! مراد اتجمد مكانه إيه أعمله؟! قربت منه بهدوء متتشيلهاش كده بسرعة.. استنى الأول تبص لك وتسمع صوتك. قعد على الكرسي ببطء.. وحاول يبتسم ازيك يا أميرة.. أنا بابا. صبا كملت عياط. مد إيده بحيرة..