اخويا جوزني لراجل ضرير

لكنه كمل “كانت واقفة في مدخل البيت بتساعد ست كبيرة تنزل السلم” بص لي وقال “يمكن هي ما تعرفش إن الموقف ده هو السبب الحقيقي اللي خلاني أسأل عنها” أنا حسيت إني مش قادرة أتكلم قال “أنا مشوفتش مريم بعيني” القاعة سكتت تماماً “لكن سمعت صوتها وهي بتطمن الست الكبيرة وبتقول لها متخافيش يا طنط أنا معاكي” ابتسم وقال “وأنا من يومها سألت عنها” واحد من الحاضرين قال بصوت منخفض “يعني هو كان عارفها قبل الجواز؟

” العريس رد “عارف عنها بس مش عارفها شخصياً” وبعدين وجه كلامه للناس “ولما سألت عنها عرفت إنها بنت ناس وأبوها الله يرحمه كان معروف عنه الخير” هنا هالة اتحركت خطوة لورا لكن العريس لسه ما خلصش قال “أنا عايز أوضح حاجة تانية” صوته بقى أقوى “أنا ضرير آه” الناس سكتت “لكن العمى مش معناه إن الإنسان ما يفهمش” الكلمة وقعت على هالة كأنها صفعة “أنا ممكن ما أشوفش اللي قدامي بعيني لكن أقدر أسمع نبرة الصوت وأعرف مين صادق ومين بيحاول يمثل” هالة بدأت تتوتر وأحمد قرب منه وقال “يا عم محمود إحنا ممكن نتكلم بعدين” العريس رد عليه بهدوء “لا يا أحمد لازم نتكلم دلوقتي” أنا أول مرة أعرف اسمه بالكامل محمود محمود الراجل اللي اتقال لي عليه إنه مجرد راجل كبير عايز يتجوزني محمود رفع إيده ناحية أحمد وقال “أنت قلت لأختك إني طلبتها لأن مفيش حد تاني هيقبل بيها” أحمد سكت “وقلت لها إني مستعد أدفع أي حاجة عشان أخدها” هالة شهقت وأنا بصيت لأحمد محمود كمل “لكن الحقيقة غير كده” مد إيده ناحية جيبه وطلع ظرف أبيض أنا بصيت للظرف وأنا مش فاهمة قال “الورقة دي أنا جبتها النهارده عشان مريم تعرف الحقيقة” فتح الظرف وطلع منه مجموعة أوراق وقال “البيت اللي مريم عايشة فيه مش ملك أحمد لوحده” أنا اتجمدت أحمد وشه اصفر محمود قال “البيت ملك مريم وأحمد بالنص بعد وفــ,,ـــــاه والدهم” هالة بصت لأحمد وأنا حسيت الدنيا بتلف بيا أنا عمري ما كنت عارفة الكلام ده أبويا كان سايب البيت لنا إحنا الاتنين محمود قال “وده مش كل حاجة” سكت ثم قال “أنا عرفت إن أحمد كان بيحاول يضغط على مريم عشان تسيب البيت” هالة قالت بسرعة “ده كلام مش صحيح” محمود لف وشه ناحية صوتها وقال “أنا لسه ما قلتش اسمك يا هالة” وشها اتغير القاعة كلها بقت ساكتة قال “لكن بما إنك اتكلمتي يبقى عندك حاجة تقلقك” هالة ما ردتش محمود رجع يكمل “أنا ما جتش هنا عشان أفضح حد” ثم وجه كلامه لي “أنا جاي أحمي حقك” أنا دموعي نزلت من غير ما أحس قلت له “حق إيه؟