في عيد جوازنا
الدكتورة مريم سلمتني كافة التحويلات البنكية وكشوفات الحسابات والسجل التجاري لشركة الهانم فريدة. التحويلات دي تم اقتطاعها من حساب الشركة المشتركة بدون موافقة الشريك صاحب نسبة ال 60 اللي هي الدكتورة مريم، وده في القانون يعاقب عليه پتهمة اختلاس أموال شركة وخېانة الأمانة وفقاً للمادة 341 من قانون العقوبات.
شريف بلع ريقة وصوته بدأ يترعش دي.. دي أموال أرباح مسجلة! لا يا أستاذ شريف.. كمل المحامي بابتسامة ثقة أنت نسيت إن عقد الشراكة اللي مريم بسببه باعت الأرض، كان فيه بند حظر تصرف أو سحب مبالغ تجاوز ال 50 ألف جنيه إلا بتوقيع الاثنين مجتمعين.
التوقيعات اللي على شيكات السحب للشركة الوهمية ثبت بالتحليل المبدئي إنها تزوير لمنسوب توقيع الدكتورة مريم. يعني قدامنا قضية تزوير في أوراق تجارية واختلاس، عقوبتها السچن المشدد من 3 ل 7 سنين. شريف بصلي بذهول وړعب حقيقي، ونزل على ركبه تاني بس المرة دي قدام بابا يا عمي.
. أرجوك! بلاش المحاكم والفضايح! أنا مستعد أتطرد من الشركة وأتوقع على أي حاجة، بس بلاش السچن! أنا عندي بنت صغيرة! قمت وقفت، وقربت منه. بصيت له في عينيه من فوق لتحت البنت الصغيرة دي.. اللي كنت بتستغل براءتها وتخليها تقولك بابا في السر، هي الوحيدة اللي مالهاش ذنب في القذارة دي.
. لكن إنت وفريدة هتأكلوا اللي طبختوه بإيديكم. طلعت ورقة التنازل المجهزة من أستاذ سليم، وحطيتها قدامه مع القلم قدامك حلين يا شريف.. مالهمش تالت. الأول تمضي دلوقتي حالا على تنازل كامل عن حصتك في معارض الموبيليا، وتكتب إقرار بدين بقيمة ال 2 8 مليون جنيه المهربين لشركة فريدة، وتسلمني عقد شقة بورسعيد لتسييلها واسترداد العربون، وتطلقني طلاق بائن في نفس اللحظة قدام المأذون اللي مستني تحت.
الثاني البلاغ هيتقدم للنيابة العامة الساعة 8 الصبح پتهم الاختلاس والتزوير، والشرطة هتستقبلك من الشقة دي قبل الضهر، وبورسعيد وشقتك التانية مش تشوفهم غير بعد ما تخلص مدة عقوبتك. شريف بص للورق، إيده كانت بتترعش بدرجة رهيبة.
بص لبابا وللمحامي ولشاشات الموبايل اللي كانت مسجلة اعترافاته بالصوت والصورة من أول ما دخل الشقة. فهم إن اللعبة انتهت، وأن البرج الرمادي اللي بناه على الكذب والسړقة طوال 4 سنين اتهد تماماً فوق دماغه في ليلة واحدة.
