الباب المقفول

. من غير ما تبرر قلت لها وأبويا؟ قالت أبوك لسه شايف انه معملش حاجة غلط.. وبيقول انك مكبر الموضوع.. وأخوك لسه شايف ان بدلته أهم.. بس أنا.. أنا فهمت دخلتها.. وشافت الولاد.. بنتي جريت عليها وحــ,,ـــــضنتها.. عشان قلبها أبيض وبينسى بسرعة.. أما ابني.. ففضل واقف بعيد.

. وبص لها وقال لو هتسيبينا تاني لوحدنا.. متجيش أمي عيطت وقالت له عمري ما هسيبكم تاني.. لو الدنيا كلها وقفت.. انتوا الأول ومن ساعتها.. أمي بقت تيجي لوحدها.. مرة في الأسبوع.. تقعد مع الولاد ساعة.. وتمشي.. وأبويا وأخويا.. لسه ممنوعين يدخلوا البيت.. لحد ما يفهموا ان البدلة الإيطالي.

. مبتدفيش طفل سقعان.. ومبتسكتش طفلة بتعيط وأنا؟.. أنا ضهري لسه بيوجعني.. بس بقيت أقدر أشيل بنتي تاني.. أشيلها وألف بيها.. وأقول لها بابا هنا.. ومش هيسيبك أبدا.. حتى لو الدنيا كلها راحت تقيس بدل والدوسيه الأزرق؟

.. لسه عندي.. بس زودت عليه ورقة أخيرة.. كتبت فيها.. الأساس لو شال حمل أكتر من طاقته.. بيقع.. والعيلة برضه.. لو شالت دلع واحد على حساب أمان اتنين.. بتقع.. وأنا أساسي دلوقتي هو ولادي.. مش أي حد تاني