الباب المقفول

. وبعدين قالت لي أنا آسفة اني مكنتش هنا قلت لها انتي ملكيش ذنب.. الذنب ذنب اللي شايف ان بدلة أهم من طفلين بدأنا نرتب حياتنا من جديد.. جارتي بقت هي اللي بتاخد بالها من الولاد لما نكون مشغولين.. وبتاخد فلوس.

. وبنديها وهي مبسوطة.. وبتقول دول ولادي زي ما هما ولادكم أما أهلي.. فبدأوا حرب تانية.. حرب الصعبانيات أمي تكلم مراتي وتقول لها خليه يسامحنا.. ده احنا كبرنا.. وهنمــ,,ـــــوت.. وعايزين نشوف أحفادنا قبل ما نمــ,,ـــــوت وأبويا يبعت لابني رسايل على تابلت بتاعه.. وحشتني يا حبيبي.

. جدو بيحبك وأخويا ينزل صور على النت وهو لابس البدلة وكاتب من غير دعم أهلي مكنتش هبقى هنا.. شكرا يا أغلى ناس كنت بشوف كل ده.. وساكت.. وبجمعه في الدوسيه الأزرق.. كل رسالة.. كل صورة.. كل محاولة لحد ما في يوم.. ابني جه وقال لي بابا.

. هو ليه تيتة وجدو مش بييجوا عندنا زي الأول؟ قعدت قدامه.. وقلت له عشان هما عملوا حاجة غلط.. وسابوكم لوحدكم.. وده مينفعش قال لي بس هما قالولي انهم كانوا بيجيبوا بدلة لعمو.. وانه كان محتاجها قلت له يا حبيبي.. لو انت وعمو الاتنين محتاجين حاجة في نفس الوقت.

. وهما ساعدوا الكبير وسابوا الصغير.. وده غلط.. ولما حد يعمل غلط.. لازم يقول أنا آسف بجد.. مش يقول محصلش حاجة ابني سكت وبعدين قال يعني لو قالوا آسف بجد.. هتخليهم ييجوا؟ قلت له لو قالوا آسف بجد.

. وفهموا ان اللي عملوه كان ممكن يبقى خطر عليك انت وأختك.. ساعتها هنفكر بعدها بأسبوع.. أمي جت لوحدها.. من غير أبويا.. وخبطت على الباب.. وكانت ماسكة نفس الدوسيه الأزرق بتاعي.. اللي كنت ناسيه عندهم يوم العملية قالت أنا لقيت ده عندي.. قريته.. قريت كل حاجة انت كاتبها.

. أرقام الدكاترة.. والحساسيات.. وبتحبوا تاكلوا ايه.. وبتكرهوا ايه.. انت كنت مجهز كل حاجة عشان تحمي ولادك.. واحنا.. احنا حتى مقفلناش الباب عليهم من جوه.. سيبناهم بره الباب المقفول قلت لها اكتشفتي متأخر قالت أيوه متأخر.. بس أنا جاية أقولك آسفة.

. آسفة بجد.. مش آسفة عشان عايزة أشوف العيال.. آسفة عشان أنا أم.. والمفروض أفهم يعني ايه طفل 5 سنين يعيط لوحده.. أنا كنت بفكر في بدلة أخوك.. ونسيت ان فيه طفلتين مستنييني أرجع كانت أول مرة في حياتي أسمع أمي بتقول آسفة من غير ما تقول بس أصل.