الباب المقفول

صحيت من عملية تثبيت فقرات في ضهري.. ضهري من تحت مولع نــ,,ـــــار.. ورجليا الاتنين منملين.. ولقيت 14 مكالمة فايتة من جارتنا الست الكبيرة اللي عندها 68 سنة أول رسالة فتحتها كان مكتوب فيها.. الحق ولادك عندي على البلكونة.

. أهلك مشيوا من ساعتين.. كلمني أول ما تشوف الرسالة ابني عنده 7 سنين وبنتي عندها 5 سنين والاتنين اللي كنت مأمنهم ياخدوا بالهم منهم وأنا متبنج وتحت البنج.. ببساطة ركبوا عربيتهم ومشيوا وسابوهم لوحدهم إيدي مكنتش مبطلة رعشة وأنا بتصل بجارتي ردت على طول متقلقش..

هما في أمان دلوقتي عندي غمضت عيني ايه اللي حصل؟ جارتي شرحتلتي انها كانت بتسقي الجنينة بتاعتها لما شافت عربية أهلي خارجة من البيت.. افتكرت انهم واخدين العيال في حتة بعدها بساعة تقريبا.. سمعت حد بيعيط لما راحت تشوف.. لقت بنتي قاعدة على السلم بتعيط.

. وابني جنبها ماسك إيدها وبيطمنها وبيقولها كل حاجة هتبقى كويسة باب الشقة مقفول ومفيش حد كبير حواليهم خالص وأنا نايم متبنج في أوضة العمليات.. أهلي سابوا ولادي بره في عز الحر في اللحظة دي.. شكل عيلتي كله وضح قدامي أنا عندي 32 سنة.

. مهندس.. وشغلي كله قايم على فكرة الضغط بحسب الأحمال.. بحلل نقط الضعف.. بحدد الأساس ده يستحمل قد ايه قبل ما يقع بقالي سنين معرفتش أطبق نفس التفكير ده على عيلتي أنا ومراتي عندنا ولدين.. ابني 7 سنين.. جد وشايل المسؤولية..

وبنتي 5 سنين ولسه بتطلع تقعد على حجري أول ما تتعب مراتي شغالة في التسويق.. وهي اللي شايلة البيت كله في أصعب سنين حياتي بس في عيلتي اللي اتربيت فيها.. كان ليا دور تاني خالص كنت المصلحاتي لما ماسورة تضــ,,ـــــرب.

. يكلموني لما عزال يتعز.. يكلموني لو عربية مش راضية تدور.. أو سفرة عايزة تكبر في العزومة.. أو ورق معقد محدش عارف يخلصه.. أنا اللي موجود كوني مفيد.. هو ده كان مكاني في العيلة أخويا الصغير كان ليه دور تاني خالص هو اللي الكل بيحميه أخويا عنده 26 سنة.

. بيقول على نفسه راجل أعمال.. مع ان معظم مشاريعه بتبدأ ان أهلي يمولوا الفكرة.. وتنتهي انهم يدفعوا تمن الخسارة الفرق بيننا كان باين من زمان.. قبل ما أفهم أوصفه.. مواعيد عيلتنا كلها كانت بتتظبط على مزاج أخويا.. وانجازاتي كانت بتتأجل..