اسكربت مربية احتلت كياني عاوز تتجوزني عشان ترضي امك وبس يا دكتور فارس طب وجاي علي نفسك كدة ليه فارس بضيق وهو واقف مع زهؤة في الشارع بقولك ايه يا زهرة انتي بنت جميله واي شاب يتمناكي بس انا لا انتي عارفة كويس اني طول عمري بحلم بالبنت اللي هتجوزها تكون متعلمة زيي ودكتورة هي كمان زهرة بجمود وهي بتحاول تبان طبيعية كمل يا فارس وايه كمان اقولك انا انت طول الوقت بتقلل مني من وقت ما دخلت حياتكم من سنة دايما كنت بحس انك بتعاقبني عشان مجبورة اعيش معاكم او عشان بتحملني سبب جواز باباك من امي طب انا ذنبي ايه انا واحدة امها ماتت وسابتها لوحدها من غير حد ولولا ان ابوك راجل طيب كان زماني مرمية في الشارع فارس اتحرج فاتكلم بجدية انا عمري ما كنت بتعامل معاكي اصلا يا زهرة لاني بصراحة كنت شايفك متطفلة بابا جابك لينا وطلب من امي انك تعيشي معانا ووسطينا وتبقي زينا زهرة بصتله بحزن وبعدين ردت عليه بهدوء ومامتك اللي المفروض يبقي موقفها زيك كدة كانت بالعكس ونعم الام ليا ذنبي ايه اني اتعامل منك بالطريقة دي وذنبي ايه ان ماما نبيلة طلبت منك تتجوزني اسمع يا فارس انا هرفض الجوازة دي وهو ده اللي هقدر اعمله لكن لو ضغطو عليا خلاص مش هقدر ارفض لكن انت راجل لما تثبت علي موقفك وقتها هيبقي في كلام تاني ولحد ما ده يحصل انا مش عاوزاك تتعامل معايا واعتبرني مش موجودة وانا اوعدك اني في اقرب وقت هختفي من حياتكم للابد فارس كشر باستغراب وسألها بشك يعني ايه كلام ده تختفي ازاي يعني زهرة ردت بحزم وهي بتبصله بجدية مش مشكلتك انت مش شايفني العقبة في حياتك خلاص اوعدك اني اخلصك مني في اقرب وقت سلام بقي عشان كدة ماما نبيلة هتستعوقني مشيت زهرة وكان متابعها فارس باستغراب وهو مش فاهم اي حاجة يا ماما اانا قولتلك اني مش هتجوز زهرة انتي ليه مصممة عالموضوع ده هي نفسها رافضاني نبيلة بجدية وهي بتقعد قدام فارس انت ملكش دعوة بزهرة انا هعرف اخليها تغير رأيها لكن انت المهم انك توافق انت ليه مش عاوز تريحني يا فارس فارس نفخ بضيق ورد بعصبية خفيفة يا ماما اريحك في ايه بس هي اكلة هاكلها غصب عني ده جوازازاي بس عاوزاني اوافق علي انسانة انا مبحبهاش ولا هي بتحبني ده غير انها مش متعلمة وانا طول عمري بحلم اتجوز دكتورة زيي نبيلة ردت بقصد وهي رتبص لفارس بسخرية ياريتها بالعلام يا فارس انت فاهم الحياه غلط يا فارس افهم زهرة مالهاش غيرنا والبنت كبيرة مينفعش تفضل عايشة معانا كدة وانا عندي اتنين رجالة زيك انت واخوك عشان كدة لازم توافق تتجوز زهرة ريحني يا فارس والله زهرة دي بنت حلال وصدقني دي اللي تصونك وتقف في ضهرك وتبقي سندك فارس رد بعصبية وهو بيقوم بغضب يووه يا ماما انا مليش دعوة انا بجد تعبت ومش عارف لحد امتي هتفضلي تضغطي عليا انا قولتلك اني مش بحبها واني لا يمكن هوافق اتجوزها فياريت تريحي نفسك وتريحيني عشان اللي حضرتك عاوزاه صعب اني انفذه ومستحيل كمان خلص فارس كلامه ودخل اوضته وهبد الباب وراه وكانت واقفة في نفس الوقت زهرة وبتحاول تكتم صوت شهقاتها بعد ما سمعت كل حاجة قالها فارس وكسر قلبها بيها وعشان كدة قررت تنفذ اللي فكرت فيه عدي كام يوم كانت فيه زهرة بتحاول تتجنب فارس ودايما بتتعامل بحدود مع الكل وخصوصا فارس اللي كان ملاحظ ده بس بالنسباله كان احسن ليه وليها رغم انه كان مضايق انها بتبعد عنه وانها اتغيرت معاه كانت بترص الاكل عالسفرة تحت نظرات نبيلة اللي كلها حيرة نبيلة بابتسامة وهي بتشاور لزهرة تقعد اقعدي يا بنتي بقي انتي من الصبح وانتي واقفة زهرة ابتسمت بحب وقعدت وهي بتقول بتردد انا لو سمحتي يا ماما بستأذنك اني عاوزة اشتغل فارس بسخرية شغل ايه ده بقي ان شاء الله وانتي لا بتعرفي تقرأي ولا تكتبي زهرة بصت لفارس بحزن وردت عليه بتلقائية مش كل الشعل عاوزين فيه قراية وكتابة يا فارس وبعدين انا بدور وان شاء الله هلاقي نبيلة بغضب فارس اتكلم كويس مع زهرة انت سامع وبعدين ياماا ناس معاهم شهادات بس للاسف مبيعرفوش يتكلمو كلمتين علي بعض وبيقولو كلام دبش فارس باحراج انا مقدش يا ماما بس يعني شغل ايه ده اللي عاوزة تشتغله احت معندناش بنات بتشتغل زهرة بانفعال الكلام ده لما تبقي واصي عليا لكن انا حرة وطالما بابا موافق يبقي خلاص مش محتاجة اذنك بعد اذنك يا ماما انا شبعت قامت زهرة بعد ما خلصت كلامها ودخلت وسابت فارس قاعد عيونه بتطلع شرار وقال لامه بعصبية عاجبك اللي الهانم بتعمله ده انتي موافقة عالكلام ده يعني نبيلة بغموض اه موافقة وبعدين انت بأي عين تتحكم فيها انت ناسي انك رفضت تتجوزها كان زمانك دلوقتي كلمتك بتتسمع عندها بس عشان بتحبك مش عشان خايفة منك لكن انت ترفضها وكمان تتحكم فيها ده انت حقيقي مستفز يا فارس وليها حق البت ترد عليك فارس رد بغضب وهو بيقوم من مكانه يعني ايه معني اني ىفضت اتجوزها يبقي تعمل اللي علي مزاجها طب وبابا هيوافق علي حاجة زي كدة نبيلة بهدوء ابوك عمره ما هيقف ضد سعادة وراحة زهرة لانها يتيمة ومحرومة من امها وبعد ما عرف رأيك في الجواز قالي انه مش هيضغط عليها في اي حاجة فارس نفخ بغضب وساب امه وخرج وكانت متابعاه هي باستغراب من تصرفاته ومكنتش عارفة تفسرها كانت واقفة زهرة قدام اوضة اوبوها وباين عليها القلق وبعدين شجعت نفسها وخبطت وهي بتتكلم بابا ممكن اتكلم مع حضرتك في موضوع فتح ياسر الباب وهو علي وشه ابتسامة بشوشة لما عرف انها زهرة وقالها بحب تعالي يا قلب ابوكي ها خير اكيد حاجة مهمة اللي مخلياكي مشرفاني اوضتي ابتسمت زهرة وردت بترددبصراحة يا بابا انا كنت عاوزة اخد اذن حضرتك اني اشتغل انا لقيت شغل مناسب واتمني ان حضرتك توافق عليه ياسر كشر ورد باستغراب شغل ليه كدة يا زهرة هو انا قصرت معاكي في حاجة يا بنتي زهرة ردت بسرعة وهي بتمسك ايد ابوها بحب لا طبعا يا بابا العفو والله حضرتك مش مقصر خالص بس انا هبقي مرتاحة وانا بعيد عن هنا ارجوك يا بابا وافق ياسر حرك راسه بايجابية ورد بتلقائية طبعا عشان موضوع فارس ورفضه الجواز مش كدة اتوترت زهرة وردت بهدوء غير اللي جواها يا بابا فارس عنده حق هو اكيد ليه حياته ومن حقه يرتبط بالانسانة اللي اختارها قلبه وانا كمان من حقي اعيش حياتي زي ما انا بتمني وعشان كدة انا عاوزة ابعد لو سمحت ياسر رد بتلقائية وهو بيقعد عالكرسي بتعب خلاص يا زهرة يبقي نبعد انا وانتي هاخدك ونعيش في شقة المرحومة امك انتي بنتي يا زهرة مش مجرد بنت مراتي وعمري لمحة نيوز ابدا ما هسيب امانة امك ليا تتبهدل وتشتغل عشان تبقي مرتاحة زهرة ابتسمت بحب وباست ايد ياسر وهي بتتكلم باقناع ربنا يخليك ليا يا حبيبي بس انا كدة مش هبقي مرتاحة وانا واخداك بعيد عن ماما نبيلة وعن فارس وحازم عشان خاطري يا بابا انا حابة اشتغل واستقل بحياتي واحس ان ليا كيان وبعدين اكيد هيبقي في زيارات برضه وهاجي اشوفكم علطول ياسر اتنهد بقلة حيلة ورد علي زهرة بحنية ماشي يا زهرة اللي انتي شايفاه صح اعمليه انا واثق فيكي وعارف انك لا يمكن هتعملي اي حاجة غلط بس قوليلي الشغل ده ايه بقي وظروفه ايه ابتسمت زهرة وردت بحماس وهي بتتعدل في قاعدتها انا هشتغل مربية اطفال لراجل كبير في السن شكله كدة اتجوز وهو كبير وخلف ومراته اتوفت وكاتب في الاعلان انه عاوزها مقيمة مع اولاده ومش شرط تكون متعلمة عشان كدة انا ما صدقت وكلمتهم واخدت معاد ادعيلي يا بابا الشغل ده يظبط معايا بجد هفرح اووي ياسر ابتسم بحب وطبطب علي ايد زهرة بحنية ربنا ييسرلك الحال يا بنتي ويسعدك روحي يا زهرة يمكن يا بنتي ترتاحي وتلاقي سعادتك هناك سرحت زهرة في كلام ابوها وغمضت عنيها وهي بتقول في سرها يارب يا بابا اهم حاجة ابعد عن فارس وحبه اللي بقي لعنة بتطاردني كانت واقفة زهرة قدام باب فيلا 6 فخمة وهي مترددة ومش عارفة اذا كان هو العنوان فعلا ولا خبطت واستنت شوية وبعدين الباب اتفتح وكانت رسمية وهي واحدة ست كبيرة وباين انها مديرة البيت زهرة بابتسامة متوترة لو سمحتي هو ده بيت يونس الشيمي الست بابتسامة ودودة ايوة يا بنتي انتي مين بقي وعاوزة ايه زهرة بهدوء وهي بتفرك ايديها بتوتر انا كنت جاية عشان وظيفة المربية فهمت رسمية وشاورت بايديها لزهرة تدخل وهي بتقولها بود اهلا بيكي يا بنتي اتفضلي ثواني هبلغ يونس بيه استنيه هنا مشيت رسمية وزهرة كانت متوترة اووي وكانت بتبص حواليها بانبهار لحد ما سمعت صوت يونس من وراها يونس بغموض وهو بيبص لزهرة بتقييم عجبك البيت مش كدة زهرة اتخضت فلفت وشها وبصت ليونس واتوترت اكتر وردت بلجلجة ايوة ربنا يبارك جميل يونس رفع حاجبه باستغراب وقعد واتكلم وهو بيحط رجل علي رجل لا صريحة احب الصراحة انا لو كنتي كدبتي ولا قولتي انه مش عاجبك كنت هطردك برة زهرة بصت ليونس وكشرت باستغراب وسألته بتلقائية هو حضرتك صاحب الاعلان ووالد الاولاد يونس بص لزهرة بغموض وبعدين رد بتلقائية ايوة انا ايه مش عاجبك مثلا ردت زهرة بسرعة وهي بتبص ليونس بقلق لا يا فندم العفو بس انا مكنتش فاكرة كدة يعني كنت فاكراك اكبر من كدة بصراحة رفع يونس حاجبه بصدمة وردد باستفسار وايه المشكلة اني طلعت صغير مش راجل عجوز يعني ثم انتي اللي خلاكي افتكرتي اني عجوز فعلا ردت زهرة بقلة حيلة ويأس وهي بتبص ليونس عشان حضرتك قولت ان الوظيفة دوام كامل يعني هقيم مع الاولاد فازاي هقيم هنا وحضرتك موجود عشان كدة افتكرت انك راجل كبير يعني يونس حس باهانة من كلام زهرة فرد بحدة وهو بيقوم يقف ده علي اساس ان جمالك ساحر وخايفة علي نفسك لتفتنيني مثلا انتي هنا في شغل مش جاية تتجوزي يا انسة وبعدين من غير ما تتعبي نفسك انتي مرفودة من قبل ما تشتغلي كشرت زهرة وبصت ليونس بغضب بس قبل ما ترد كانت اتدخلت رسمية اللي كانت متابعة الحوار كله يا يونس يابني البنية متقصدش تهينك دي الاصول يا يونس وهي لو مش محترمة مكنتش علقت علي النقطة دي والاصول متزعلش حد يا حبيبي بصي يا بنتي انا هنا معاكي مقيمة زي زيك بالظبط يعني مش هتكونو لوحديكم بس انتي شغلك الاولاد وبس وهما توأم وصغيرين لسة زهرة بصت ليونس وردت علي رسمية بقصد متشكرة لزوقك يا طنط بس خلاص انا مش موافقة علي الشغلانة دي ده واحد ميعرفش ابسط اصول الاخلاق ازاي هشتغل عنده يونس قام بغضب ورد بحدة علي زهرة خلاها من جواها مرعوبة انا لو معرفش الاصول كويس كنت حاسبتك دلوقتي علي كلامك لكن عشان انتي في بيتي فانا مش هرد عليكي وهسيبك تمشي حالا زهرة بصت ليونس بتحدي ومانت هتمشي بس وقفتها رسمية بصوتها خلاص يا يونس حصل خير عشان خاطري انا وانتي يا بنتي لو فعلا باقية علي اكل عيشك لازم تطولي بالك شوية يونس بضيق انا عشان دادة رسمية غالية عندي بس هديلك فرصة بس من اقل غلطة صدقيني هحاسبك قبل ما اطردك سكتت زهرة وهي بتبص ليونس بغيظ بس متكلمتش عشان هي فعلا محتاجة الشغل ده وسكوتها كان بالنسبة ليونس انتصار وكان باين من نظراته ليها بعد كام يوم كان بالنسبة لزهرة احسن بكتير من اول يوم شغل ليها وده لانها مشافتش يونس كتير وكان اغلبية اليوم برة فكانت فرصة بالنسبالها انها تعرف البيت كويس وقوانينه زي ما رسمية فهمتها كانت واقفة زهرة شايلة ادم الصغير وهو بيعيط جامد اوي ومش عارفة ماله بس فجأة قلبها اتقبض لما لقت حرارته عالية فمكنتش عارفة تعمل ايه فاديته خافض وحطت الطرحة علي شعرها اي حاجة ونزلت بيه جري ودخلت لرسمية الاوضة زهرة بسرعة وهي شايلة ادم دادة رسمية ادم سخن اوي دلوقتي وانا اديته خافض بس مش هقدر استني اكتر من كدة انا لازم اروح بيه للدكتور رسمية بقلق وهي بتمسك تليفونها طيب استني هكلم يونس يجي يروح معاكي عشان الدنيا ليل هتروحي فين دلوقتي بيه زهرة ردت برفض وهي بتخرج بسرعة لالا مفيش وقت متكلميهوش انا هروح اقرب مستشفي وهبقي اكلمك اطمنك اهم حاجة خدي بالك من البنت هي فوق نايمة سلام خرجت زهرة بسرعة من باب الڤيلا وشاورت لتاكسي وراحت اقرب مستشفي وفضلت هناك اكتر من اربع سعات واقفة خايفة عالولد كأنه ابنها لحد ما اتفاجأت بيونس داخل عليها وباين عليه انه في قمه غضبه وقرب منها وقالها بغضب اعمي انتي عملتي ايه في ادم لو جراله حاجة مش هيكفيني فيها عمرك انتي سامعة انطقي الولد ماله زهرة من صوت يونس كانت مخضوضة وخايفة وبتعيط جامد ومش قادرة حتي ترد عليه واللي رد الدكتور اللي خرج علي صوت يونس العالي وهو بيزعق فقاله بسرعة اهدي يا فندم ملوش لزوم اللي بتعمله ده الولد الحمد لله بقي كويس هو جاتله حمة فجأة ولولا انه جه في الوقت المناسب وكمان واخد جرعة علاج للحرارة كان زمانه راح فيها يعني المفروض تشكرها يونس سكت وهدي شوية بعد كلام الدكتور وعنيه متثبتة علي زهرة اللي كانت بتعيط بانهيار وكأنها ما صدقت خرجت الخوف والقلق اللي كان جواها لما اطمنت علي ادم يونس بتلقائية وهو بيشاور عالاوضة ممكن اشوف الولد الدكتور بايجابية وهو بيبتسم طبعا اتفضل هو كويس بس تحت الملاحظة وهيخرج اول ما حرارته تستقر دخل يونس اوضة ادم وزهرة قعدت عالارض بتعب رجليها واستسلمت لنوم عميق والدموع علي خدها كانت زهرة بتحلم ان يونس شايلها وهي بصاله بتوهان والطرحة بتتزحلق من علي راسها وبيعدلها ليها يونس وهو وبيهمس قدام وشها وبيقولها انه اسف وبعدين راحت هي في النوم من تاني وفجأة بتقوم زهرة بخضة وبتلاقي نفسها تاني يوم في اوضتها فاستغربت انها جت ازاي هنا بس فجأة اتخضت وافتكرت ادم وقامت بسرعة راحت اوضته فدخلت بلهفة بس اتفاجأت بيونس قاعد جمبيه وبصلها لما انتبه ليها فاتوترت زهرة وقالتله بتهتهة انا اسفة اوي معرفش ازاي نمت اتفاجأت زهرة برد يونس اللي عكس شخصيته وكلامه معاها ولا يهمك المهم انتي كويسة دلوقتي ردت زهرة باستغراب وهي بتبص ليونس ايوة الحمد لله كويسة هو ادم عامل ايه بقي احسن رد يونس بابتسامة وهو بيبص لادم لا احسن بكتير الحمدلله المهم انا هسيبكم دلوقتي عشان الحق اغير وانزل لاني عندي ميتنج مهم لو في اي حاجة كلميني علطول يا زهرة ماشي زهرة ردت باندفاع وهي بتبص ليونس ايه ده انت هتشتغل ازاي وانت منمتش من امبارح اتوترت زهرة ولعنت غباءها اللي خلاها تتكلم من غير ما تفكر بس اتفاجأت برد يونس اللي ابتسم بطريقة جذابة متقلقيش انا تمام ومتنسيش علاج ادم في مواعيده يا زهرة زهرة بتردد وهي بتبص ليونس باحراج هو ممكن حضرتك تقولي المواعيد انا بحفظ بسرعة والله متقلقش بس يعني عشان مش بعرف اقرأ واكتب يونس بصلها شوية بغموض وبعدين رد بابتسامة تمام مفيش مشكلة انا هقولك المواعيد كلها زي ما الدكتور كاتبله زهرة بامتنان وهي بتبص ليونس باحراج متشكرة اوي يا يونس بيه عدي كام يوم كان ادم خف وبقي كويس وده لان زهرة كانت مهتمية بيه جدا وبتديله العلاج في مواعيده ده غير علاقتها بيونس اللي اتغيرت تماما وبقي يعاملها حلو وبيتكلم معاها بطريقة كويسة ودايما مهتم بيها وده خلاها تبقي فرحانة اوي ومرتاحة لوجودها هناك كانت نازلة زهرة عالسلم بعد ما بلغتها دادة رسمية ان يونس بيه عاوزها ضروري تحت بس اول ما نزلت شافته واقف ومعاه بنت جميلة وانيقة فاستغربت ولما قربت منهم لقت يونس بيتكلم بجدية وهو بيشاور عليها دي بقي زهرة اللي كلمتك عنها انا عاوزها تبقي ممتازة في اقرب وقت زهرة باستغراب وهي بتبص ليونس بفضول هو في حاجة يا يونس بيه حضرتك طلبتني .. يونس بابتسامة وهو بيشورلها عالبنت اه يا زهرة دي مريم وتبقي معلمة وهي اللي هتعلمك القراءة والكتابة زهرة عينها دمعت وبصت ليونس بامتنان وهي بتقوله انا بجد مش عارفه اشكرك ازاي ده كان حلم بالنسبالي ابتسم يونس بطريقة جذابة ورد بتلقائية تشكريني لما تتعلمي بسرعة وانا واثق انك شاطرة فعلا وهتتعلمي بسرعة كانت زهرة باصة ليونس بامتنان وفخر ومن جواها مشاعر متلغبطة اوي بس اللي متأكدة منه ان يونس بقي حاجة مهمة وكبيرة في حياتها وان بأفعاله واهتمامه هو ده اللي خلاها تتعلق بيه وتبقي فرحانة بوجوده حواليها كدة بعد كام يوم كانت واقفة زهرة في الجنينة وهي ماسكة التليفون في ايديها بتردد ومحتارة تكلم نبيلة ولا لا وخصوصا انها رنت كتير عليها ومكنتش بترد خوف من انه يكون فارس مش هي بس فيي نفس الوقت صعبان عليها اوي انها متكلمهاش تطمنها عليها فضلت زهرة سرحانة لحد ما انتبهت لصوت يونس من وراها اممم واقفة وسرحانة يبقي اكيد في مصيبة خير يارب ابتسمت زهرة بتلقائية كعادتها لما يونس بيتكلم معاها بطريقته وردت بحيرة اصلي بصراحة كنت مترددة اكلم ماما نبيلة رنت عليا كتير وانا مردتش وخايفة تزعل مني يونس رد بتكشيرة وهو مستغرب زهرة انا مش فاهم طب انتي لسه متكلميش مامتك تطمنيها عليكي فين المشكلة اكيد ليها حق تقلق عليكي يا زهرة زهرة غمضت عنيها بحيرة وردت بتلقائية ماما نبيلة تبقي مرات بابا بس انا بحبها لانها بتعاملني كأني بنتها اللي مخلفتهاش بس الموضوع مش كدة انا خايفة من فارس اتوترت زهرة اول ما قالت كدة باندفاع ويونس حس بكدة فسألها بغموض فارس ده ابن مرات باباكي زهرة ردت بتنهيدة وهي بتبص ليونس ونفسها لو تحكي وتخرج اللي في قلبها بس للاسف مينفعش فؤدت بتوتر ايوة بس زي اخويا يعني يونس ابتسم ابتسامته الجذابة اللي وترت زهرة وقالها بثقة زهرة انا مش عاوزاك تخافي من اي حاجة او اي حد ولو في اي حاجة مخوفاكي من اي حد اي ان كان مين قوليلي وانا هتصرف اوعدك زهرة في اللحظة دي حست بامان غريب وابتسمت بتلقائية وهي باين عليها التوتر وخافت احسن يونس يحس باللغبطة اللي هي فيها فقالتله بتهرب متشكرة اوي انا هطلع بقي اشوف الاولاد مشيت زهرة اول ما خلصت كلامها بس سمعت صوت يونس من وراها فوقفت بصدمة وبصتله اعملي حسابك بكرة هوديكي تطمني علي ماما نبيلة زهرة بصدمة وتوتر وهي بتبلع ريقها بخوف استاذ يونس حقيقي ملوش لزوم كتر خيرك بس انا يونس بمقاطعة وهو بيبص لزهرة بثقة احنا قولنا ايه مش هتخافي طول ما انا معاكي يلا روحي بقيي زهرة حركت راسها بطاعة وجريت علي فوق تحت نظرات يونس اللي اتنهد بحيرة وهو مستغرب نفسه تاني يوم كانت راكبة زهرة عربية يونس وهي قلقانة اوي وخصوصا لما كلمت نبيلة عشان تعرفها انها هتيجي بكرة تقضيه معاهم وقالتلها ان فارس من وقت ما هي مشيت فجأة وهو متعصب وهيتجنن ويلاقيها كانت زهرة بتحرك رجليها جامد بتوتر وهي سرحانة وبتفكر ومش حاسه بنفسها وكان متابعها يونس وملاحظ قلقها فلقي نفسه بيقرب ايديه وبيمسك ايديها فرفعت زهرة عنيها وبصتله بانتباه فقالها بهمس خلي قلبها يدق وعنيها تركز في عيونه متخافيش انا جمبك زهرة بخوف واندفاع فارس مش هيسكت لو شافنا سوا اصلا هما فاكرين اللي بشتغل عنده راجل عجوز مش شاب وسيم زيك ضحك يونس بتلقائية بصوته كله وزهرة حست وقتها باللي قالته فاتكسفت وبصت بعيد بخجل بس انتبهت لصوت يونس من جديد متقلقيش انا هتصرف في الموضوع ده يا زهرة انتي بس اضحكي حركت زهرة راسها بتلقائية واتنهدت براحة نسبية بعد كلام يونس ليها وسكتت وهي بتتمني ان اليوم يعدي بسرعة كانت فاتحة نبيلة الباب وبتسلم علي زهرة بحرارة وزهرة كمان كانت فرحانة اوي انها شافت مرات ابوها لحد ما انتبهت لياسر ابوها اللي خارج من اوضته فجريت عليه بلهفة وسلمت عليه وهو كمان ووقتها نبيلة اخدت بالها من يونس فبصتله باستغراب وهي بتقوله لمؤاخذة يابني مخدناش بالنا اتفضل اقعد سلم يونس علي ياسر ابو زهرة وعرفه بنفسه وهو بيقوله اهلا بحضرتك يا عمي انا ابقي يونس الشيمي صاحب الشغل اللي الانسة زهرة فيه ياسر كشر واتكلم باندفاع اهلا بيك يابني بس اسمحلي يعني ازاي زهرة قالتلي ان صاحب الشغل راجل كبير وانخا هتقعد تراعي ولاده مش كدة يا زهرة زهرة اتكلمت بلهفة وهي بتقرب من ابوها ايوة يا بابا انا كنت فاكرة كدة بس طلع الاستاذ يونس يعني هو صاحب الشغل بس شخص محترم خالص يا بابا ياسر باردد وهو بيبص ليونس شاب محترم علي عيني وراسي بس الاصول محدش يزعل منها يا ابني متأخذنيش رد يونس بهدوء علي ياسر خلاه بدأ يهدا اكيد طبعا يا عمي يس الفكرة اني مش عايش لوحدي زي ما حضرتك فاكر انا عايش مع دادة رسمية ودي اللي مربياني ده غير الشغالين وكمان الاولاد يعني مش لوحدينا هدي ياسر شوية واتكلم بهدوء وهو بيشاور ليونس كلام علي راسي يابني بس الاصول بتقول ان مفيش بنت تشتغل عند واحد عازب وتعيش معاه عشان كدة كل حي يروح لحاله والشغل بنتي مستغنية عنه زهرة اتصدمت وزعلت وبصت ليونس اللي طمنها بعنيه وبص لياسر وقاله بصدمة طيب ايه رأيك لما زهرة تعيش معايا بصفتها مراتي انا بطلب منك ايديها يا عم ياسر واتمني توافق اتصدمت زهرة وتنحت وهي باصة ليونس اللي كان ملاحظ تأثير الخبر عليها وكتم ضحكته وبص لياسر اللي ابتسم بفرحة طبعا اذا كان كدة ماشي ده يوم المني يوم ما افرح ببنتي بس الرأي الاول والاخير ل فارس من وراهم بغضب بعد ما سمع كل حاجة ليا انا يا بابا الرأي الاخير ليا ولا خلاص مبقاش ليا لازمة زهرة خافت وبصت ليونس بسرعة وخوف فكمل ياسر باستغراب انت رأيك مهم طبعا يا فارس يابني بس زهرة هي اللي هتتجوز والرأي رأيها فارس بغموض وهو بيبص ليونس ممكن اعرف بقي من امتي جه موضوع الجواز ده فجأة كدة ده انت لحد من خمس دقايق كنت بتقول انها بتشتغل عندك يونس بجدية وهو بيبص لفارس بتقييم وبيه متقولش لني مستحملتش انها تبعد عني وان نشاعري غلبتني واتأكدت اني بحبها وعشان كدة طلبت ايديها دلوقتي ها ايه رأيك يا عم ياسر فارس باندفاع وهو بيقرب من زهرة متأسفين يا استاذ يونس بس زهرة مخطوبة ليا وهنتجوز ولا ايه يا زهرتي زهرة اتصدمت وبصت لفارس بصدمة وهي مش مستوعبة اللي هو قاله ويونس كان بينقل عنيه بينهم وبيحاول يفهم اللي بين السطور فقال بجدية بس انا يهمني اسمع منها عي الكلام ده يا استاذ فارس انتي رأيك ايه في الكلام ده يا زهرة زهرة بصت ليونس بحيرة وحزن وهي من جواها حاسة انها نفسها لو تجري عليه رغم انها عارفة انه طلب ايديها عشان ميسيبهاش هنا بناء علي رغبتها بس كفايا انها هتبقي مراته وانها فهمت مشاعرها صح وانها حبته بس عنيها راحت لنبيلة اللي كانت فرحانة بطلب فارس وانه عاوز يتجوزها ومش رافض زي اللاول وكانت بتترجاها بعنيها انها توافق عليه وهنا انتبهت لصوت فارس اللي اتكلم بسخرية اعتقد السكوت علامة الرضا ولا ايه متقلقش هنبقي نعزمك عالفرح يونس كان سامع كلام فارس وعيونه متركزة علي زهرة حاجة جواه مخلياه رافض يصدق فارس وكان عنده امل انها ترفضه وتجري عليه هو ووقتها هيخطفها من الدنيا كلها بس هي تديله اي اشارة ياسر بحنية وهو بيبص لزهرة بتشجيع قولي يا زهرة يا بنتي واللي انتي عاوزاه انا هعملهولك بس انتي قرري زهرة غمضت عنيها بتعب من كتر الضغط اللي هي فيه وفجأة استسلمت للضلمة اللي سحبتها لاعماقها ووقتها يونس قلبه اتقبض وجري عليها بلهفة بس كان سبقه فارس وشالها هو بخوف ويونس وقتها قبض علي ايديه جامد وبعدين انسحب بهدوء عكس اللي جواه فتحت زهرة عنيها بتعب وشوية واستوعبت هي فين واخر حاجة حصلت ايه فاتكلمت بلهفة يونس فين يا يونس طبطبت نبيلة علي ضهر زهرة وقالتلها بشفقة يونس مشي يا زهرة خلاص يا بنتي انسيه بقي اديكي شوفتي فارس الحمد لله رجع لعقله ازاي وكان هيتجنن عليكي زهرة كشرت بغضب وقامت وهي بترد بانفعال انتي بتقولي ايه يعني ايه انسي يونس وعشان مين فارس ابنك اللي مبيعملش اي حاجة غير انه بيجرحني بكلامه اللي قالي انه مش عاوزني عشان انا جاهلة وانه مجبور عليا فارس انا محيته من حياتي اول ما قال كدة عمري ما هضعف ولا اكمل في علاقة مش بعمل حاجة غير انها تكسرني وتقلل مني انتي عارفة يونس ده عمل عشاني ايه وهو ميعرفنيش انتي متعرفيش حاجة يونس حسسني اني انسانة يا ماما نبيلة خلاني بتصرفاته مش بس احبه لا اعشقه كمان لو بتحبيني بجد متجبرنيش اكمل في العلاقة المسممة دي خليني اعيش مع الانسان اللي اختاره قلبي وعقلي ابتسمت نبيلة بحب وحركت راسها برضا وفي نفس الوقت كان واقف فارس عالباب وسمع كل اللي قالته زهرة قبل ما يفتح الباب ويدخل ووقتها اتأكد ان زهرة خلاص راحت منه بسبب غباءه وتصرفاته اللي علمت فيها ومستحيل تنساها فدخل وعلي وشه ابتسامة مكسورة وزهرة كشرت اول ما شافته وقبل ما تتكلم سبقها هو وقالها بحزن من غير ما تقولي اي حاجة انا عارف وسمعت كل اللي قولتيه وعندك حق يا زهرة ومش هقدر الومك لاني انا السبب في انك تضيعي مني للاسف انا عرفت قيمتك بس متأخر اوي تقدري ترتاحي شوية وانا بنفسي هاخدك ليونس ابتسمت زهرة بفرحة وقامت وهي بتقول بتلقائية لا انا بقيت كويس لو سمحت يا فارس وديني ليونس وانت ان شاء الله تلاقي البنت اللي بتحلم بيها ابتسم فارس بكسرة ومن جواه بيتمني لو يرجع بيه الزمن وميقولش اللي قاله لزهرة كان رايح جاي يونس بغضب في مكتبه كان هيتجنن وبيلوم نفسه انه مشي كان بيقول لنفسه انه مكنش سابها بالبساطة دي بس يرجع تاني يقول نظرات الحيرة اللي كانت في عنيها هي اللي خلته ضعيف اوي وكان لازم بعديها ينسحب هو اتأكد دلوقتي انه حبها مش بس حبها ده عشقها بس للاسف راحت من ايديه بمنتهي البساطة انتبه يونس لخبط الباب وصوت رسمية اللي دخلت وقالتله بابتسامة يونس هتفضل قاعد لوحدك يا حبيبي انا مرضيتش اضغط عليك ولا اكلمك في حاجة بس قلقت فقولت اجي اسألك يونس بحزن الدنيا كله في صوته خلاص يا دادة زهرة مش هتيجي تاني هتتجوز كشرت رسمية باستغراب وبعدين فهمت حاجة فقالتله بخبث وانت بقي زعلان عشان هي مش هتيجي تاني ولا عشان هتتجوز يونس باندفاع وهو بيبص بعيد بغضب عشان مقدرتش امنعها مقدرتش اعترفلها باني حبتها فعلا يا دادة رسمية انا بجد مش متخيل اني كان ممكن احب في يوم من الايام وحبيت زهرة بكل جوارحي ابتسمت رسمية بتلقائية وردت بجدية مصطنعة وهي بتشاور ليونس طب ومستني ايه ما تقولها الكلام ده بنفسك استغرب يونس ولف وشه وقبل ما يتكلم اتفاجئ بزهرة واقفة جمب رسمية وسمعت كلامه عنها وعلي وشها ابتسامة جميلة وقلبها اللي كان بيدق بسرعة من فرحته باللي سمعته يونس بصدمة وهو بيقرب بلهفة من زهرة زهرة انتي جيتي هنا ازاي وليه و زهرة باندفاع عشان بحبك يا يونس وعشان انا مش هقدر اعيس بعيد عنك واوعي تفتكر سكوتي هناك كان ضعف ولا حيرة اختيارك كان شئ مفروغ منه انا بس خوفت علي ماما نبيلة وبابا لكن لو رجع بيا الزمن هختارك الف مرة يا يونس يونس ابتسم بتلقائية بطريقة جذابة وهو بيقولها بتوهان بحبك يا زهرة وانتي اول حب واخر حب في حياتي زهرة بتلقائية وهي بتبص ليونس طب وام ولادك يا يونس كنت بتحبها اكيد برضه مش كدة صدقني مش هزعل دي حاجة هحترم صراحتك عليها يونس ضحك بصوت عالي ورد بهيام وهو بيهمس بتلقائية ماهو انا مقولتلكيش ان ادم وحوا يبقو ولاد اخويا يا زهرة وهما اتوفو في حادثة وسابوهم ليا وانا اللي بربيهم لانهم خلاص بقو ولادي صدقتيني بقي لما قولتلك انك اول حب واخر حب يا زهرتي ابتسمت زهرة بتلقائية وده كان اقوي رد منها هلي كلام يونس اللي دخل قلبها من غير استئذان وهو من جواه اسعد راجل في الكون كله ....تمت
